నిదురపోతున్న నగరం
నడిబొడ్డున సెంట్రీ కాస్తూ బుద్ధుడు
....................
మీ బద్దకాల బతుకులకు భరోసా
నేనంటూ రాత్రీ పగలోలే ఛాయ్ బిస్కట్
పర్సులో మరిన్ని కాసులుంటే
ఖీమా - రోటీ, పాయ - బన్
.......................
పగటి సమూహాల చెత్తను
ఎత్తిపోస్తూ రాత్రి కార్మికులు
........................
సగటు మనిషి జీవితంలాగా
మిణుకు మిణుకుమంటూ విద్యుత్ దీపాలు
.........................
ఈ దేశ చిత్రపటాన్ని
తమలో చూపుతూ గుంతల రోడ్లు
..........................
జీతమాంధ్యమేమో!
'రేయ్ బండి తీయ్' అంటూ మామూళ్ల మావలు
...........................
'ఇచ్చోటనే సత్కవీంద్రుని కమ్మని కలము
నిప్పులలో కరిగిపోయే' అంటూ ఎదలో గీతం
రవింద్ర భారతి దాటుతుండగా
No comments:
Post a Comment