ఒకప్పుడు ఇక్కడ మనుషులుండేవారు
మానవత్వమూ ఉండేది.
ఇప్పుడు వారు మతమయ్యారు
మారణ హోమమయ్యారు
హోమగుండం ఎప్పుడూ 'బలి'నే కోరింది
శంబుకుడు
బర్బరికుడు
ఇప్పుడు సర్వనామాలయ్యారు
వాళ్ళ నెత్తురు
నేతిగా
హోమగుండం మండింది
మంటల్లో మాడిన దేహం
విప్రుల 'గో'విందయింది
చరిత్రను సా(రీ)వర్కర్ లు
వీర+ఓచితంగ రాస్తున్నారు
గోబెల్స్ లు ఇదే నిజమని
యూనివర్సిటీ సిలబస్ లో పెట్టారు
మనువు
రాజధాని నడి వీధుల్లో
ఆరక్షరాల నిరసనపై
లాఠీ నృత్యం చేస్తున్నాడు
టియర్ గ్యాసై పేలుతున్నాడు
చేతులు తెగి
కళ్ళు పోయి
కమిలిన దేహంతో
రాజ్యాంగం రోడ్డున పడి
విలపిస్తోంది
అవును
రాజ్యాంగం
విలపిస్తోంది
*
ఎదకు పుస్తకాన్నద్దుకొని
పిడికిలి బిగించి వస్తున్నారు
వస్తుందొక సమూహం
వాళ్లే రేపటి ఆశ
Educate
Agitate
Organise
Study
Struggle
Liberate