ఒకప్పుడు ఇక్కడ చెట్లుండేవి
ఆ చెరువు పక్కనే వాటిపై పక్షులుండేవి
చెట్లకీ, పక్షులకు ప్రణయ గాథలుండేవి
రాత్రి కాగానే వెన్నెల వాటిపై దుప్పటిలా పరచుకునేది
కానీ,
ఇప్పుడో!
నాగరికత నగరంలో గ్రీన్ హంట్ ప్రకటించాక
అక్కడ ఎత్తైన కాంక్రీట్ వృక్షాలు పుట్టుకొచ్చాయి
చెరువు రియల్ ఎస్టేట్ అయింది
గూడెలను వదిలిన ఆదివాసుల్లా
గూడులు విడిచి పక్షులు ఎక్కడికో వలసవెళ్ళాయి
సూర్యుడూ, చంద్రుడు చుట్టమయ్యారు
అక్కడ ప్రణయమిప్పుడు వొఠ్ఠి మారకం
పల్లెను మింగేసిన
నగరమిప్పుడు నాటకరంగం
(బెంగళూరు, హైదరాబాద్ పట్నాలు పల్లెలను కబళించడం చూసి)
No comments:
Post a Comment