అతడు 'అతడి'లా
ఆమె 'ఆమె'గా
ఉండటానికి
ఎంత ఘర్షణ
ఆమె అతడిలో
అతడు ఆమెలో
సంలీనమైనట్లు
అంతలోనే ఐక్యత
అయినా
అతడేంటి
ఆమేంటి
మనసులు ముడిపెట్టాకా
అంతా వాళ్లే అయ్యాకా
…........................………
ముడి అనబడు ఒప్పందాన్ని రద్దుగోరి
నే పోతానంటే
(ఆమె లోగొంతులో ఓ గొణుగు)
అది నీ స్వేచ్ఛ
ఎన్నటికీ మారని అతడి సమాధానం
మరీ నీకు బాధ లేదా
(ఈసారి పైకే అంది)
ఎప్పటిలాగే
ఒక నవ్వు అతడి సమాధానం
ఇప్పుడది ఏకీకరణకు కాదు,
మళ్ళీ ఏకం కాని వర్గీకరణకు
("ఘర్షణ - ఐక్యత" అనే నా పాత కవితకు, కొన్ని చేర్పులతో మరో రూపం)
No comments:
Post a Comment