1
కష్టాల కడలి
కన్నీళ్ల కడలి
అలలై పోటెత్తుతూ కడలి
ఆనంతాన్ని దాచుకున్న కడలి
అయిన అణువంత అహం లేని కడలి
ప్రవహిస్తున్న నదులతో
సంగమిస్తూ కడలి
తీరంతో సయ్యాటలో కడలి
తీరంలో సయ్యాటలు చూస్తూ కడలి
ప్రేమై కడలి
ప్రేమకి సాక్షమై కడలి
అమ్మ ఒడిలా అలయ్యి
ఊయలుపుతూ కడలి
అలలతో ఆడుతుంటే
చూస్తూ మురిసిపోతూ కడలి
ప్రియురాలి ఊసుల్ని వింటూ కడలి
ప్రియుడ్ని గుండెలకు హత్తుకుంటూ కడలి
2
రెండు సరిహద్దులను
కలిపే వంతెనై కడలి
సరిహద్దును పహారా కాసే
నిగాహ్ నేత్రమైన సెంట్రీ కడలి
జనమై కడలి
జనసందోహమై కడలి
ఊపిరై కడలి
ఉద్యమమై కడలి
దళమై కడలి
దళాన్ని పొత్తిళ్ళల్లో
దాచుకుంటూ కడలి
నిశీధి వేళా
రేపటి ప్రభాతానికై
వ్యూహం పన్నుతు
తుఫాను ముందు
ప్రశాంత కడలి
No comments:
Post a Comment