ఆమెకి
అన్ని రాత్రి స్పర్శలు
ఒకేలా అనిపించవు
స్పృశించేది తనవాడే
అయిన
ఎదో అయిష్టత
అట్లనీ
ఆమేమి ముట్టుకుంటే ముడుచుకుపోయే
అత్తిపత్తి ఆకు కాదు
కానీ,
భావాల్ని పంచుకున్నట్లే
భావప్రాప్తుల్ని పంచుకోవాలనుకుంటుంది
తన స్వేచ్ఛలో
రాతిరి స్వేచ్చా భాగమంటుంది
పగలంతా 'మన'దయిన ఇష్టం
రాత్రి 'నీ'దవ్వడం ఏంటని
పడకదిగి
"Lust is part of love, but
It shouldn't vanish the Love between us" అని
సహజ సూత్రాన్ని గోడపై రాసింది.
.................................
అతడు గదిలోకి రాగానే ఒకనవ్వు
ఆ రాతను చూసి
రాసిన తనను చూసి
ఆమె అంతే
అతడిలో మార్పుని చూసి
13/01/2018
No comments:
Post a Comment