నేను ప్రేమించను నిన్ను తప్ప, ఎందుకంటే నేను నిన్ను ప్రేమిస్తున్నాను
నేను వెళ్తాను ప్రేమించడం నుండి, నిన్ను ప్రేమించనితనానికి
ఎదురుచూడటం నుండి వేచిచూడకపోవటానికి
నా మది కదులుతుంది మంచు నుండి మంటలోకి
నేను నిన్ను ప్రేమిస్తున్నాను, ఎందుకంటే నేను ప్రేమించేది నిన్నే
నేను నిన్ను దిగంతాల నుండి ద్వేషించాను, ద్వేషిస్తున్నాను
నీకై వాలిపోతాను, నేను నిన్ను చూడట్లేదు కానీ గుడ్డిగా ప్రేమిస్తున్నాను అదే
నీకోసం మారుతున్న నా ప్రేమకు కొలమానం
ఆనుకుంటా
జనవరి కాంతి దాని క్రూరత్వంతో నా మదిని తినేస్తుందేమో
కాంతి కిరణం,
దోచేస్తుంది నా నిజమైన ప్రశాంతత తోవని
ఈ కథలో భాగంగా మరణించింది నేనే
కేవలం ఒక్కరే,
నేను ప్రేమతో మరణిస్తాను, ఎందుకంటే నేను నిన్ను ప్రేమిస్తున్నాను
ఎందుకంటే నేను నిన్ను ప్రేమిస్తున్నాను, ప్రేమ, అగ్నిలో, రుధిరంలో
( I do not love you except because I love you అనే పాబ్లో నెరుడా కవితకు స్వేచ్చానువాదం)
No comments:
Post a Comment