నిన్ను మళ్లీ కలుసుకుంటాను
- అమృత ప్రీతమ్
నిన్ను మళ్లీ కలుసుకుంటాను
ఎప్పుడూ? ఎక్కడా? నాకూ తెలియదు.
నీ కల్పనలకు ప్రేరణయ్యి
బహుశా నన్ను నే ఓ నిగూఢ గీతలా
నీ కాన్వాస్ పై పరచుకొని
నిన్ను చూస్తూనే ఉంటాను
నేనో సూర్యకిరణాన్నై
నీ రంగుల్లో కలిసిపోతాను
నీ రంగుల్ని కావలించుకొని
నన్ను నీ కాన్వాస్ పై చిత్రించుకుంటాను
నాకూ తెలియదు
ఎప్పుడూ? ఎక్కడా? అని -
కానీ నేను నిన్ను తప్పక కలుసుకుంటాను
బహుశా నేను వసంతంలా మారి
నీ దేహంపై నీటి నురగను రుద్దుతాను
నీ దహించే ఎదపై
కాస్త చల్లదనాన్ని అద్దుతాను
నాకేమీ తెలియదు
కాలం ఏం చేసినా
జీవితం నా వెంట నడుస్తూనే ఉంది
దేహం నశించినప్పుడు
అన్నీ నశిస్తాయి
కానీ జ్ఞాపకాల పోగులు
కాల గమనంలో అల్లుకుపోయి ఉంటాయి
వాటిని ఏరుకుని
ఆ పోగులను అల్లుకుంటూ
నిన్ను మళ్లీ కలుస్తాను
ఎప్పుడూ? ఎక్కడా?
నాకూ తెలియదు
కాని నిన్ను తప్పక కలుస్తాను
అనువాదం: అరుణాంక్ లత
నేడు అమృత ప్రీతమ్ శత జయంతి
No comments:
Post a Comment