కల

సంద్రంలోతు నవ్వు పిల్ల
చూపుల గాలం వేసే కనుల పిల్ల
మళ్ళొసారి రావూ
మబ్బులకు తాళ్ళుకట్టి ఊయలుగుదాం
వెన్నెలకు నిచ్చెనేసి ఆరోహణ చేద్దాం
ఆకాశంలో చుక్కలను కలుపుతూ
ఓ అందమైన ముగ్గుగీద్దాం

అది కుదిరేపని కాదంటావా
అయితే
ఓ వానకాలపు నడిరేయి జాము
వెన్నెల వెలుగులో
చుక్కలను చూస్తూ
ఒక నడక కలిసి నడుద్దాం
కాసేపలా
సంద్రం పక్కన సేద తీరుదాం

మళ్ళీ ఓసారి రా పిల్ల
మరచిపోలేని జ్ఞాపకల్ని మరిన్ని పంచుకుందాం