●
సాకీ
ఈ రేయి ఓ పాటను
పాడటం మొదలెట్టింది
●
వినపడుతోంది
కిటికీ చప్పుడులో
నీ నామస్మరణ
●
నీవే పంపినట్లుగా
నా దరికి చేరిన గాలిలో
నీ దేహ పరిమళం
●
అలిగి విసురుగా నువ్ తిరిగితే
తాకిన చీర కొంగులా
మొహన్ని తాకిన పరదా
●
మరిచిపోయిందేదో
గుర్తుచేస్తూ
క్యాలెండర్ లో
మారిన తేదీ
●
ఈ నడిరేయి
నేనూ
నాకు తోడుగా
మధుపాత్ర
●
చిత్రంగా
కిటికీలోంచి చూస్తూ
నాలాంటి
ఒంటరి చుక్క
●
పక్కన లేనిది నీవే
పదిలంగానే ఉన్నాయ్
నీ జ్ఞాపకాలింకా
ఈ నడి రేయి
వినిపిస్తున్న పాటలాగా
No comments:
Post a Comment