నెత్తిమీద గండ దీపం
నడకా, నృత్యమా
రెండు కలగలిపిన రూపమా
★
ఎన్ని రాత్రుళ్ళు
కాలబడి ఉంటాయి
★
ఇంతకీ నాకేమవుతావ్ నువ్వు
ఏమో!
నాకు అర్థం కాదు
నువ్వూ చెప్పవు
జనం మాత్రం చెవులు కొరుక్కుంటూ ఉంటారు
అయినా ఎవరేమనుకుంటే మనకేం
★
ఓ నిశీధిలో
కాలువ గట్టున
మబ్బుల మాటున ఎన్నెలను చూస్తూ
నీ కళ్ళలోంచి కారిన
కన్నీటిబొట్ల సాక్షిగా
నువ్ నా గుండె సఖివి
★
సాకీ
రాత్రి నువ్ మిగిల్చిన
మధుపాత్రలోని నాలుగు చుక్కలు
నా నాలుక మీద సాకబొయ్యి
No comments:
Post a Comment