టూటే హువా దిల్ కే
కుచ్ భీగి అల్ఫాజ్
ఎందుకో ఖాళీతనం
ఆవరించినప్పుడు
ఎద ముక్కలైన భావన
కొన్ని తడి మాటలు
కొన్నిసార్లు అంతే
మనదైన కొన్ని ఖాళీతనాలు
అవసరమే
మనకంటూ ఓ ఒంటరితనం
ఓ నిశా(షా)చరుడిలా
ఓ బైరాగిలా
కొన్ని ఒంటరి గీతాలు
రాసుకోడానికో
పాడుకోడానికో
జనం నుండి మనల్ని
మనమే వెలివేసుకొని
చుట్టూ ఓ గీత గీసుకొని
నాలుగు వాక్యాలు రాసుకోడానికి
ఓ ఖాళీతనం అనివార్యం
ఎందుకో గాయపడ్డ ఎద పలికే
కొన్ని తడి మాటలు బావుంటాయ్
No comments:
Post a Comment